小病是福.....

老公出TRIP3日, QQ腸胃炎3日, 在家中休息了2天, 沒有上學, 沒有上興趣班, 她反而很高興, 而我則趁這時候去做facial, 回來時姐姐說她睡了, 但我在客廳及房間又找不著她, 找呀找呀找呀....原來她睡了在細佬的網床內, 細心再看, 又給我見對面有5個小BB睡在枕頭上, 這個傻妹, 多可愛......

細佬懂得拍手了

上星期日晚, 細佬在我毫無準備下懂得拍手, 仲拍到啪啪聲, 昨日還很清楚的對著老公叫"DADDY".
10個月人仔的他越來越好玩, 跟佢玩UP & DOWN就笑到咔咔聲, 還把雙手放在頭側, 超開心呢!

明天就是JAVIER的10個月大了

又到JAVIER的10個月大了, 不過就非全日陪伴細佬, 事關明天是很忙的, 上午QQKK要參加朗誦比賽, 其實都打定輸數, 因為KK 的普通話真的超爛, 個衰豬又唔聽DADDY教, 不過由於早已報名, 成百幾銀, 都係唔好咁浪費, 況且最煩果位(DADDY)都冇出聲, 咁咪去囉, 但KK跟QQ的朗誦時間又差成2個鍾, 都幾頭痕. ANYWAY, 希望明天唔好等太耐.
之後我們又要趕參加KK班NCA同學仔第一次攪的PARTY, 所以玩完應該都會好倦呢!
好了, 預計都要4:30PM至回到家裹看JAVIER.

唔知點解現在時常都會想念細佬, 即使在家裹工作室久了都要到大廳跟小BB玩一下, 而每次細佬見到媽媽總是哈哈笑, 笑得非常甜美, 口水都流晒, 真的給他LUM暈了. 早2天他還開始玩豬咀, 太可愛了.

細佬成日唔食野, 真係好沮喪 :-(

細佬成日唔食野, 真係好沮喪 :-( 而家已經9個多月但係18磅都未有, 我終於感受到自己個B唔長肉的痛苦, 真係好羨慕人地D BB肥嘟嘟, 以前QQ及KK都是很好肉地, 肥嘟嘟的BB, 手腳仔一節一節, 真係勢估唔到到第三個才頭痕, 仔呀仔, 食多D野啦, 見到你得個頭仔都係心痛.今日我就迫佢食多D野, 由於姐姐只餵到一口半口, 所以飯後給他吃吃水果, 哈哈, 第一次見到javier 做d古怪表情, 真係好攪笑....

晚上自己親自再餵他粥仔, 用湯匙把他小咀仔打開再餵, 終於三口,只有三口, 最後他更"咪"起個咀, 又bu bu bu出粥仔, 仲要叫晒喊晒, 我最後都不敵.

每次摸細佬又大又圓的頭仔, 感覺就如回到未生時.

鎮圃已經8個多月了, 每當抱著他在我懷內熟睡的時候, 摸摸他那頭仔, 又大又圓, 感覺就好像懷孕後期撫摸肚皮一樣, 有一種莫名其妙的親切感, 真的很懷念懷孕時期的日子, 那十個月, 每天看著摸著肚皮脹大, 現在則每天看著孩子長大, 很快他便出牙仔, 很快他便不須要母乳, 很快他便開始走路, 上學....時間實在過得太快, 可以給我停下半步嗎?

今日第一次帶細佬去沙灘玩

今日第一次帶細佬去沙灘玩, 不過佢唔多ENJOY, 我地今日下午4時才出發, 時間及天氣都幾好, 唔太熱又有陽光, 可惜小朋友都係唔合作.

謝謝你

昨晚瞓得早, 今早精神好. 睇下娸娸幾精靈, 唔似往日喊住走, 見到佢都搵路走.

1st day by school bus

開學了, 講故事

開學了

QQ等左成年, 終於可以同妹妹一起上學, 她不知幾高興, 9月13日開始, 仲可以帶埋妹妹一同坐校車, 因為她早已安排好妹妹會坐在她旁邊的近窗口位置, 自己就會坐走廊位, 因為她要保護妹妹呢!

娸娸第一日返學表現很好, 不論吃喝玩樂都非常投入, 下星期開始便會跟媽媽分離, 我深信娸娸一定沒有問題, 因為第二天上學, 入班房玩耍時已經頭也不回去跟住老師走, 我想同佢講BYE-BYE都冇.....反而我有點難過呢!

有線新聞

男 嬰 疑 吞 下 錫 紙 難 呼 吸 送 院 2010/08/22 23:09




一 名 七 個 月 大 的 男 嬰 在 尖 沙 咀 住 所 懷 疑 吞 下 錫 紙 ， 一 度 呼 吸 困 難 ， 送 院 治 理 。

該 名 男 嬰 由 母 親 陪 同 送 往 伊 利 沙 伯 醫 院 治 理 ， 現 場 消 息 指 ， 晚 上 九 時 左 右 ， 一 名 母 親 在 柯 士 甸 西 路 凱 旋 門 住 所 發 現 男 嬰 吞 下 錫 紙 ， 卡 在 喉 嚨 ， 呼 吸 困 難 ， 於 是 報 警 送 院 。
http://cablenews.i-cable.com/webapps/news_video/index.php?news_id=340431

太陽報

太陽報


男嬰離奇吞錫紙【本報訊】尖沙咀豪宅凱旋門發生家居意外，昨晚十時許，觀星閣一名七個月大男嬰，疑誤吞錫紙不適哭泣，父母揭發後大驚，嘗試替兒子取出口內錫紙不果，致電報警求助。救護車將男嬰送院，女護士特意將男嬰弄哭，待其張開口後，隨即取出一塊約五毫子硬幣大小的錫紙，其雙親見狀始放下心頭大石。據悉，男嬰不懂走路，更不懂取物進食，其父母也不知他何以會誤吞錫紙。

驚心動魄半小時

今天晚上10時10分我正在洗手間剛洗澡完畢, 聽到QQ說細佬嘔吐, 之後細佬不停咳不停哭, 仍有嘔吐, 之後DADDY叫我CALL999, 原來猜測細佬好像把一些金紙吞下, 那些正是今天我們到迪士尼樂園玩士迪仔大街巡遊尾聲噴出的錫箔紙, 天呀, 我只見細佬很辛苦的想把一些東西吐出但又吐不出, 我馬上致電999, 之後便跟DADDY帶同細佬到LOBBY等待, 細佬仍不停哭,不斷想咳出一些咔住他喉嚨的東西, 可是仍不成功, 直到他吐出一絲絲血絲,  我真的很擔心, 很驚惶, 他仍很辛苦,  不一會...數名消防哥哥已經到達, 我把細佬交給他們, 可是小口子實在太細了, 消防哥哥也無法看見, 而且還不斷有血絲吐出, 再過2分鐘救護車到了, 救護員把小弟弟送到QE, 車上細佬又嘔, 但還是嘔不出那些錫箔紙, 落車第一時間是見到有記者的相機對著我們閃不停, 之後到了分流站, 終於細佬嘔出些東西, 姑娘姐姐說見到他口裡有紙, 好了, 真的是一張金色錫箔紙, 一天光晒, 因為細佬好像舒服了很多, 由於不確定是否還有留在體內, E生檢查口腔後再照X RAY, 最後幸好沒發現有不明物體, 總算大步跨過.

JJ 7 months happy birthday

細佬好快已經7個月了, 雖然間中有小小不適, 但都算是非常健康, 而且還有2個疼錫他的姊姊.

開心時刻pizza hut

好犀利呀^^, QQ一聽到這首節奏輕快的廣告歌, 馬上發揮了她的原創精神, 即時創造新舞步, 似模似樣, 還要我幫她錄影下來, 睇0黎冇白交學費喎.

櫻桃小苑子

今天是SDM的open day, 比起上一次我在埸的open day已經是大半年前了, kk進步了很多, 而且老師給她成績表的總成績還是A級呢, KK, 加油!

有人問....點解仲要餵夜奶?

有人問我現在囝囝是否仍然全母乳, 對, 到現在仍是, 因為他不肯用奶瓶 . 而且晚間還有3-5次的夜奶, 絕對是冇覺好瞓, 不過我是願意的, 而且又不覺得很辛苦, 可能我仍然很ENJOY那份親密的感覺, 我和囝囝那種零距離的接觸是沒有人可以感受得到, 也是沒有人可以代替, 我為何要放棄呢?曾經有抱怨因為堅持母乳而令BB沒有吃配方奶粉而不長肉, 朋友說是上天的恩賜, 現在想起絕對要Thanks God! 就是這份堅持把我和囝囝的零距離的相處時間延長下去....

平日我有很多時間都會放在QQ, KK及工作上, DADDY都沒有給到時間, 有時想多抱囝囝一會, DADDY又要抱, QQKK又要同細佬玩, 工人姐姐又會幫我抱他, , 所以, 只有囝囝吃母乳的時間我才可以完完全全擁有他, 不受外界影響. THANKS GOD!

蕉糖布丁

星期日我們去學做蕉糖布丁, 點知QQ, KK, DADDY都瞓晒, 本來4-5時的課堂, 我們4:35PM才到達, 仲要得我同KK, 因為2隻大懶豬仲未起身, 幸好老師不但幫助我們, 還把握時間把早前已做的步驟教我們, 睇下KK做的蕉糖布丁...

事後君MISS還追問點解唔見QQ, 因為她很掛念QQ, 平時的暑期活動課堂, QQ均表現出色, 深得老師愛戴, 老師還再三說我幸福, 因為QQ真的很乖巧, 而且聰明, 還很疼弟妹. 又向我訴說QQ如何聰明, 比同年紀的小朋友超越很多, 很快吸收重點, 而且在一課有關誠實的課堂上, 她還有很強的自我檢討能力, 比年紀大一些的小朋友還要強.
她如何疼弟妹, 做任何事都會以妹妹為先, 會讓妹妹先領功. 還向老師提及她早上如何跟弟弟在泳池玩耍......其實....我又怎會不知道QQ是個聰明, 乖巧又會愛護弟妹的好孩子呢 ? 所以DADDY MAMA都很疼她.

KK第一次溜冰

星期六DADDY終於有時間帶KK溜冰, 睇下KK初期玩得好開心, 點知唔夠10分鍾就說唔玩, 仲話唔好玩要走, 打算同仲學溜冰...而家可以唔駛了. 而QQ見到呀妹用企鵝又話要租, 最後又係3分鍾熱度, 下次一定唔再租用. :-(


睇下KK玩得叻唔叻先....

明日恩典

細佬第一次下水禮

今天趁QQ學游泳, 帶同KK跟細佬一起去玩水, 可能今早天氣不太熱, 水溫都有點冷, 初頭細佬非常害怕, 一下水便哭個不停, 我們馬上把他遠離水池, 慢慢從外圍開始玩, 給他玩具引開他的注意力, 之後再慢慢帶回池邊, 他開始對水沒有那麼恐懼, 還坐在水泡內游泳. 不過都是沒有QQ第一次玩水那麼ENJOY!
還記得首次帶KK到Discovery Bay沙灘, 她也是很害怕, 還哭著不肯踏沙, 整個過程都要抱著, 現在又不是很喜歡到沙灘嗎?

細佬第一次按摩, 好舒服呀~

成日都唔知忙D乜, 今日終於"的"起心肝幫細佬做body massage, 睇下佢幾ENJOY呀, 雖然都有少少唔定, hei hei~

往事只能回味.1

昨晚無意中被一些短片引起我對qq及kk小時候的回憶, 不禁馬上翻閱電腦的留存, 雖然找不到相似的話檔案, 幸好也找到一些美好的回憶.

詠鵝by kk

QQ教KK詠鵝.

仁愛堂家長日

今天是KK在仁愛堂第二次家長日, 即最後一次, 因為明年便會轉到嘉諾撒聖心幼稚園跟家姐一起上學.
彭老師說起KK在校園的趣事, KK在學校裡很喜歡幫助別人, 吃早餐及午餐都食得很好, 午餐間中會添食, 有時還會幫小朋友抺咀, 像是班中的小姐姐. 她很喜歡畫畫, 而且畫得很美麗, 又能歌善舞, 會帶動同學的學習氣氛, 當要靜態她又會很專心, 觀察力又很強, 任何能力都比同年紀的小朋友強. 而且她還得到了學校的愉快學習獎. 老師還說早前在學校播放TOY"S STORY 給同學看, 以下是她們的對話 :
KK跟旁邊的同學仔 :我常常到迪土尼遊樂的,
但她的同學好像沒大反應,
KK :迪土尼有DAISY, Donald, micky, minnie, 巴斯....我下次帶妳一齊去.
同學仔 : 唔得0架, 我媽咪鬧0架.
KK : 我媽咪唔鬧0架, 我媽咪好好0架, 我叫媽咪帶妳一齊去呀.

又有一次在學習"浮", 把一個波波放在水中, KK把浮起的波波不停壓下去, 但它總是彈回來, 於是KK跟老師說, 波波是"浮"的.

QQ makes Javier so happy

QQ第一日學游泳

上午10:00我們便來到CLUB HOUSE學游泳, 這是QQ第一次學, 教練教她閉嘴潛入水,蛙腳, 蛙手, 所有動作她都做到, 而且做得非常好, 教練都稱讚她.....人家用5堂時間學的東西, 她一堂便完成, 還做得很好, 且看她今天的表現

QQ第一次學游泳

今天鎮圃6個大了

時間過得真快, 轉眼間, 今天鎮圃已6個大了, 他不再是初生BB, 很快他便會不用妳抱, 會走路, 會說話, 會上學......多麼的希望可以把時間留住! 留住他們最可愛, 最美麗的時刻.

媽媽很久沒有幫你洗澡了, 開心嗎?

下午麼麼茶"-2006年8月30日 "抱BB的正確姿勢",

好唔開心呀, 個錄影機壞左, 自動Delete了收錄左4年前....2006年8月30日QQ在(亞洲電視)"下午麼麼茶"中作小MODEL示範 "抱BB的正確姿勢", 請問有冇人幫到我? :-(
個壞鬼錄影機真係激C人, 無啦啦壞左, 仲DELETE了我留了4年的珍貴片段, 仲唸住好醒, 早排先行燒了只光碟, 點知頭先拿出CD想播放, 原本看不到. 天呀!!!!!!!!!!! 咩事呀 xyz#$&!, 屋企D電器用品發生咩事, 先係個衰鬼電腦壞了, FORMAT晒我2007年以前QQ的寶貴照片及影片, 之後個電話又跌左, 換個新電話用唔夠半年又壞, 跟住個新相機用唔夠一個月又唔見左, 然後個電腦又死左, 前日個電飯煲又SHORT左, 今日個錄影機又壞左, 天呀, 可唔可以比返 QQ在"抱BB的正確姿勢"的片段給我?!?!

3個一齊病~

上星期因為嘉諾撒聖心幼稚園150週年慶典, QQ為此要到理大採排及表演, 由於天氣悶熱, 採排後還要到室內上課外活動, 媽媽又忘記為她添衣, 一冷一熱下, 便患上感冒, 一直微燒了好幾天, 細佬妹妹也被感染, 幸好現在已好了八八九九.
今早帶KK上學, 彭老師好奇地問我是否KK扭計要媽媽帶返學, 由於昨天KK喊,
彭老師問她 :妳為何喊?
KK : 因為我扭計.
彭老師 : 為什麼扭計
KK : 因為我要媽媽.

其實她昨天喊是因為未瞓醒, 還要懶床而已.

KK 3rd Birthday Party

昨天在會所為娸娸舉行生日會, 我們邀請了MINNIE姐姐助興, 幫小朋友face-painting, 玩遊戲, 扭波波, 小朋友個個都玩得很高興, 要多謝所有同學仔, 朋友仔的參與, 令生日會生色不少, 可惜娸娸因為有點感冒, 無法撐到尾, 她支持到切餅儀式後終於要大休. :-) 而細佬可能都有點不習慣太多人, 所以有點害怕, 幸好還有QQ家姐由頭帶領到尾, 當然大家姐又唔同D啦! ANYWAY, 多謝大家出席, 明年見, BYE BYE!!!

QQ大家姐好乖巧

媽越來越覺得QQ好乖呀, 點解? 因為QQ唔會跟KK妹妹搶玩具, 經常會禮讓給KK, 最常見當然係洗澡的時候, 因為呢個時候KK妹妹都會禮讓, 結果都要用包剪揼去解決, "包剪揼, 輸左比人罰, 2,4,6,8,10. 12,14,16,18,20" 而且好多時當妹妹都要玩同一玩具時, QQ都會自動放棄, 可能跟她在學校裡當上禮讓之星及服從之星有關吧, 所以媽媽要求她讓給妹妹時, 她都會聽從.

QQ又好錫細佬, 時時跟他玩耍, 總要把他豆得"卡卡笑", 有時仲會跟媽媽鬥快引細佬笑, 有次媽媽想帶她外出, 但當時她正跟細佬玩耍, 很出奇地....她竟然叫我自己去! 豈有此理!!!!

仲有一次...QQ跟KK正鬥著要跟姐姐外出買來西, 我便說."QQ,細佬很希望同妳玩喎, 不如妳留下吧", 她二話不說便棄下鞋子讓妹妹外出, 自己走到細佬旁邊 "細佬細佬, 家姐陪你玩好嗎?"

細佬唔夠重:-(

昨日帶細佬打5合1針, E生話唔夠重, 可以話係below average,  得個頭仔係中碼, 5個月人仔得6.67KG, 鬼咩, 又唔食奶, 日日掛住玩, 所以必須引入粥仔, 今天開始給他試, 但是唔太成功, 下午會試下開奶茶, 希望可以令佢食多D, 重D, 希望可以達至中碼.

細佬5個月了

第二次參加普通話朗誦比賽得到了獎杯, 很高興呀!

"第三屆全港學生普通話朗誦比賽",

經過上次的比賽, 今次QQ第二次參加普通話朗誦比賽, 小妮子當天的目標便是一個獎杯, 因為她上一回問爸媽為何有些小朋友有獎杯而她只有獎牌, 所以她希望今次可以得到獎杯給妹妹, 很幸運地她真的得到了, QQ一聽到評判公佈莊蔓翹得到獎杯,時, 都來不及等媽媽便跑到台上領獎, 可惜今天爸爸沒有來到看她精彩的表演, 而大會又禁止家長在比賽期間拍攝及錄影. 由於得我一人, 又要攝錄, 又要拍照, 又要照顧QQ, 又要.....所以我只能把她得獎的小小片段攝錄下來留個記念. Anyway, 她真的很出色.